ဆန္ဒပြ သဲကုန်း လယ်သမားများကို ရဲတပ်ဖွဲ့က အကြမ်းဖက်ဖြိုခွဲ

သပိတ်စခန်း ဖျက်သိမ်းနေသည့် ရဲတပ်ဖွဲ့ဝင်များနှင့် လယ်သမားများ (ဓာတ်ပုံ – ကောင်းမြတ်မင်း / ဧရာဝတီ)

By စနေလင်း

ပဲခူးတိုင်း အနောက်ပိုင်း သဲကုန်းမြို့နယ်ရှိ အောင်ကုန်းရွာ သပိတ်စခန်း အကြမ်းဖက် ဖြိုခွဲခံရမှု ၃ လပြည့် အထိမ်းအမှတ်အဖြစ် ယမန်နေ့က ဆန္ဒပြသည့် လယ်သမားများကို မြို့နယ်ရဲတပ်ဖွဲ့က အကြမ်းဖက် ဖြိုခွဲမှု ဆက်လက်ကျင့်သုံး၍ ဆန္ဒပြအဖွဲ့ဝင် ၂ ဦးကို လည်း ရိုက်နှက် ဖမ်းဆီးသွားကြောင်း သတင်း ရရှိသည်။

သိမ်းဆည်းခံ လယ်မြေများ ပြန်ရရှိရေးတောင်းဆိုရင်း အဖမ်းခံခဲ့ရသည့် လယ်သမား ခေါင်းဆောင် ဦးပေါက်စကို ပြန်လည်လွှတ် ပေးရေး ဆန္ဒပြခဲ့ကြသည့် လယ်သမားများ မိုးကောင်းဘုရား၌ ဝတ်ပြုဆုတောင်းပြီး အပြန်တွင် ရဲတပ်ဖွဲ့နှင့် ပဋိပက္ခ ဖြစ်ပွားခဲ့ခြင်း ဖြစ် ကြောင်း သိရသည်။

လူ ၃၀ ခန့်ရှိ ဆန္ဒပြအဖွဲ့ထဲမှ ဒေါ်ညိုနှင့် ကိုမောင်ဝင်း တို့ကိုရိုက်နှက် ဖမ်းဆီးသွားပြီး လယ်သမားများဘက်မှ လိုက်ပါကူညီပေးနေ သည့် ကိုကောင်းထက်ကျော် ကိုလည်း ရဲတပ်ဖွဲ့ဝင်များက တုတ်များဖြင့်ရိုက်နှက် ဖမ်းဆီးရန် ကြိုးစားခဲ့သော်လည်း ဒဏ်ရာများနှင့် လွတ်မြောက်ခဲ့ကြောင်း သိရသည်။

“တပ်ထိပ်ရွာရောက်တော့ ကျနော့်ကို မြို့နယ်အုပ်ချုပ်ရေးမှူးက ဆွေးနွေးစရာရှိလို့ဆိုပြီး ခေါ်တယ်။ ကျနော်က သူတို့ကို မယုံလို့ မလိုက်နိုင်ဘူး၊ ဆွေးနွေးစရာရှိရင် မနက်ဖြန် ရွာထဲကိုလာခဲ့လို့ ပြောလိုက်တာနဲ့ အတင်းကို ၀င်ဖမ်းတော့တာပဲ။ တခြားသူတွေ ထက် ကျနော့်ကို ဦးတည်ဖမ်းတာ သိသာတယ်”ဟု ထွက်ပြေး လွတ်မြောက်နေဆဲဖြစ်သည့် ကိုကောင်းထက်ကျော် က ဧရာဝတီ သို့ ပြောသည်။

ကိုကောင်းထက်ကျော်ကို ဖမ်းဆီးရန် ကြိုးစားရာမှာ ရဲတပ်ဖွဲ့က တုတ်များဖြင့် အတင်းဝင်ရောက်ရိုက်နှက်ခဲ့ကြောင်း၊ ဦးခေါင်းကွဲရှ ဒဏ်ရာများကြောင့် သွေးထွက်ပြီး မူးဝေနေသည့် ကိုကောင်းထက်ကျော် ကို သီတဂူမြောက်ကျောင်း ဆရာတော်က အကာအကွယ် ပေးထားသဖြင့် ရဲတပ်ဖွဲ့ဝင်များက ဘုန်းကြီးကျောင်းကို ဝိုင်းရံ ပိတ်ဆို့ထားကြောင်း လယ်သမားများကို အကူအညီ ပေးနေသူ ကိုသိန်းအောင်စိုး ကလည်း ဧရာဝတီသို့ ပြောသည်။

“လယ်သမား ၂၀ လောက်က ဘုရားဝတ်ပြုပြီး အပြန် တပ်ထိပ်ရွာအရောက်မှာ ဘာမှမပြောဘဲနဲ့ ကိုကောင်းထက်ကျော်ကို လက် ထိပ်ခတ်ပြီး ဖမ်းတယ်။ ရွာသားတွေကလည်း အတင်းပြန်လုကြပြီး ဘုန်းကြီးကျောင်းထဲကို ခေါ်သွားကာ ကျောင်းတံခါးကို ပိတ် လိုက် တယ်။ ကျောင်းကို ရဲတွေက ၀ိုင်းထားလို့ တခြားဒေသခံလယ်သမားတွေက သိကြပြီး အခု ရဲတွေနဲ့ ဟိုဘက်ဒီဘက်လို ဖြစ် နေတယ်”ဟု ကိုသိန်းအောင်စိုး က ပြောပြသည်။

ရဲတပ်ဖွဲ့ဝင်များ၏ ရိုက်နှက်ဒဏ်ရာများကြောင်း မူးဝေနေကြောင်း၊ ရဲများက ၎င်းအား ထုတ်ပေးရန် အတွက် ကျောင်းထိုင် ဘုန်းကြီး ထံ လျှောက်တင်နေသည်ကို အနီးကပ် ကြားသိနေရကြောင်း လတ်တလောတွင် ဝင်ရောက် ဖမ်းဆီးနိုင်ခြင်း မရှိသေးသော်လည်း မည်သို့ဖြစ်မည် မသိသေးကြောင်း ကိုကောင်းထက်ကျော် ကလည်း ပြောသည်။

လယ်သမားများက ၎င်းတို့၏ လယ်ယာမြေများကို ၁၉၉၉ ခုနှစ် ဧပြီလ ၇ ရက်က ပြည်ခရိုင် ဦးစီးမှူး ဦးခင်မောင်ဝင်းက အောင် ကုန်း၊ သင်တော၊ ကန်စွန်း အင်း၊ ရင်းတိုက်တန်း၊ နှောကုန်း၊ ဆောက်ခြုံကြီး ကျေးရွာတဝိုက်ရှိ လယ်မြေ ဧက ၁၁၅၉.၅၅ ဧကကို ရေ နက်ကွင်း ဖော်ထုတ်ရန် သိမ်းယူခဲ့ခြင်း ဖြစ်ကြောင်း သိရသည်။

ယင်းနောက် ၂၀၀၁ ခုနှစ်တွင် လယ်ယာလက်ကား သမဝါယမ အသင်း အမှတ်(၃) လီမီတက် ပိုင်ရှင် ဦးထိုင်ထိုင်က လွှဲပြောင်း ရယူခဲ့ကြောင်း လယ်ယာမြေနှင့် အခြား မြေယာများ စုံစမ်းစစ်ဆေးရေး ကော်မရှင်ကို ပေးပို့ထားသည့် တိုင်ကြားစာတွင်လည်း ရေး သား ဖော်ပြ ထားသည်ကို တွေ့ရသည်။

သိမ်းဆည်းခံထားရသည့်အတွက် ဖြေရှင်းပေးရန်၊ အင်းမ ရေထိန်းတမံကြောင့် ဖြစ်ပေါ်နေသော လယ်ယာမြေ ပြသနာများကို ဖြေရှင်း ပေးရန်၊ လယ်ယာမြေ လုပ်ပိုင်ခွင့် ပြန်လည်ရရှိရန်အတွက် ဖေဖော်ဝါရီ ၁၁ ရက်နေ့တွင် လယ်သမား ၃၀ က သဲကုန်းမြို့နယ် ခန်းမရှေ့တွင် သပိတ်စခန်း စတင်ဖွင့်လှစ်ပြီး ဆန္ဒပြခဲ့ကြသည်။

သို့သော် အာဏာပိုင်များက ဖေဖော်ဝါရီ ၁၄ ရက်နေ့တွင် အဆိုပါ သပိတ်စခန်းကို အကြမ်းဖက် ဖြိုခွင်းခံရပြီး ဆန္ဒထုတ်ဖော်ခွင့် ဆိုင်ရာပုဒ်မ ၁၈ ဖြင့် လယ်သမား ၄ ဦးကို တရားစွဲဆိုခဲ့သည်။ တရားစွဲဆို ခံရသူများထဲမှ လယ်သမား ဦးပေါက်စကို ပုဒ်မ ၅၀၅ (ခ) ဖြင့် စွဲဆိုခဲ့သည်။

မြို့နယ်ခန်းမရှေ့ သပိတ်စခန်း အဖြိုခွဲခံလိုက်ရပြီးနောက် ငါးမွေးကန်များရှေ့တွင် သပိတ်စခန်း ထပ်မံဖွင့်လှစ်ခဲ့ပြီး ဆန္ဒပြခဲ့ရာတွင် လည်း အာဏာပိုင်များ၏ ထပ်မံ အကြမ်းဖက်ဖြိုခွဲခံခဲ့ရပြီး ယခုအကြိမ်အပါအဝင် အကြမ်းဖက်ဖြိုခွဲခံရမှု ၃ ကြိမ်ရှိပြီဖြစ်ကြောင်း သိရ သည်။

ဧရာဝတီ http://burma.irrawaddy.org/news/2014/05/15/58885.html