လူထုလုံခြုံမှုနှင့် ပြည်သူ့အသံ

 လွန်ခဲ့သည့် သီတင်းပတ်က ရန်ကုန်မြို့တွင် ဓာတ်ကြိုး ပြတ်ကျပြီး ဓာတ်လိုက်သဖြင့် ကုန်စိမ်းရောင်း နေသူ တစ်ဦးနှင့် ဈေးဝယ်သူတစ်ဦး သေဆုံးပြီး နှစ်ဦး အပြင်း အထန်ဒဏ်ရာ ရရှိခဲ့သည်။ ရန်ကုန်မြို့တွင် နိစ္စဓူဝ အလုပ်များ လုပ်ကိုင်ရင်း လုံခြုံမှု မရှိသော ပတ်ဝန်းကျင်အခြေ အနေကြောင့် ကွယ်လွန်ခဲ့ရသည်မှာ ၎င်းတို့နှစ်ဦးက ပထမဆုံး မဟုတ်ပါ။ ရေလျှံစဉ် ကျောင်းမှ ပြန်လာရင်း၊

အလုပ်မှ ပြန်လာရင်း မြောင်းထဲ ပြုတ်ကျ၍ ရေနစ် သေဆုံး သူများလည်း ရှိခဲ့သည်။ ပလက်ဖောင်းပေါ်လမ်းလျှောက်ရင်း နောက်မှ ကားဝင်တိုက်၍ သေသူများ လည်းရှိသည်။ ပလက်ဖောင်းပေါ်တွင် ဈေးသည်များပြည့်နေ၍ ကားလမ်းပေါ် ဆင်းလျှောက်ရင်း ကားတိုက်ခံရသူများလည်းရှိသည်။ နယ်မြို့များတွင်လည်း ဆိုင်ကယ်ကို လမ်းကြောင်း မှန်မှ စနစ်တကျစီးနေသော်လည်း အတိုက်ခံရပြီး သေဆုံးမှုများ နေ့စဉ်နှင့်အမျှ ရှိနေသည်။ စားဝတ်နေရေး အတွက် နိစ္စဓူဝ ရုန်းကန်နေကြရင်း မိမိတို့၏လုံခြုံရေးနှင့် လုံခြုံမှုမရှိသော ပတ်ဝန်းကျင်အတွက် ပြည်သူ များ၏ ရင်ဖွင့်သံများကို စုစည်းဖော်ပြလိုက်ပါသည်။

ကိုသောမတ်

ဖိနပ်ဆိုင်၊ ပေ၅၀လမ်း၊ လှည်းတန်း

ကျွန်တော်တို့ပြည်သူတွေက အိမ်မှာ ၀ိုင်ယာရှော့ဖြစ်တယ်ဆိုရင် ရုံးမှာသွားပြီး တောင်းပန်လို့မရဘူး။ ပေါ့ဆတဲ့အတွက် ထောင်ကျမယ်။ အရေးယူခံရတာမျိုးတွေဖြစ်မယ်။ ၀ိုင်ယာကြိုးပြတ်ကျတော့ ဌာနဆိုင်ရာ တွေဘက်က မှားတဲ့အခါကျရင် တောင်းပန်ရုံနဲ့ပဲ ကျေအေးသွားရော။ ပြီးသွားရောလားဆိုတာကို သိချင်ပါတယ်။ မသေသင့်ဘဲ အသက်ဆုံးရှုံး မှုတွေ ဖြစ်တာဟာ အရမ်းကို နစ်နာမှုတွေ ဖြစ်စေတယ်။ ပြည်သူတွေအ တွက် လုပ်ပေးတာတွေက စေတနာမပါဘူး။ အပြစ်လွတ်အောင် လုပ် ပေးနေသလိုမျိုးပဲဖြစ်နေတယ်။

စိုးပြည့်ပြည့်စံ

အဆိုတော်၊ သရုပ်ဆောင်

အခုဆိုရင် အားလုံးကြုံရတာက လမ်းတွေမှာ ကားတွေအရမ်းပိတ် တော့ စိတ်တွေရှုပ်ကြပြီး ပြဿနာတွေဖြစ်တာကို မျက်စိရှေ့တင် တွေ့ နေရတယ်။ နောက်ပြီး ပြီးခဲ့တဲ့ရက်ပိုင်းကဆိုရင် လှည်းတန်းမှာ ဓာတ် ကြိုးပြုတ်ကျပြီး သေဆုံးမှုတွေဖြစ်တယ်။ စိုးပြည့်တို့မျက်စိရှေ့မှာတင် ဖြစ်တာဆိုတော့ ကြောက်လည်းကြောက်တယ်။ တုန်လည်း တုန်လှုပ် တယ်။ လမ်းသွားရင်တောင် ဆင်ခြင်ပြီး ဟိုကြည့်ဒီကြည့်နဲ့ ထိန်းထိန်း သိမ်းသိမ်း သွားသင့်နေပြီ။ ခုဆိုရင် စိုးပြည့်မိုးရွာရင် အိမ်ပြင်မထွက်ရဲ ဘူး။ မဖြစ်မနေသွားရမှ ဖြစ်မယ်ဆိုရင်တောင် တော်တော်သတိထားဖြစ် တယ်။ အများကြီးတော့ စိုးပြည့်လည်း မဝေဖန်တတ်ပါဘူး။ ကိုယ့်တာ ၀န်ကို သိရင်တော့ အားလုံး ငြိမ်းချမ်းမှာပါ။ ပြည်သူတွေကလည်း တာ ၀န်ကို သိသိနဲ့ လုပ်အားပေးရမယ့်အရာ၊ အသိပေးသင့်တဲ့အရာတွေကို တောင်းဆိုကြပါ။ လူကြီးတွေဘက်ကလည်း ခုလိုကိစ္စတွေ မဖြစ်ဘဲ ပြည်သူတွေရဲ့ ချစ်ခင်မှုရအောင် ကြိုတင်ပြီး လိုအပ်နေတဲ့နေရာ ထိန်း ထိန်းသိမ်းသိမ်း ပြုပြင်ပေးကြပါလို့ ပြောချင်ပါတယ်။ ဒီလိုကိစ္စတွေ ဖြစ် တာတွေက အားလုံးနဲ့တော့ သက်ဆိုင်နေပါတယ်။ လူကြီးတွေဘက်က လည်း ပြည်သူတွေ အဆင်ပြေအောင် ပြုပြင်ပေးကြပါလို့ ပြောချင်ပါတယ်။

ဦးသက်နိုင်

ကုန်သည်၊ မဟာအောင်မြေမြို့နယ်၊ မန္တလေး

မန္တလေးမှာ နေနေရတာကြောင့် စိတ်အပူရဆုံးကတော့ ယာဉ်မ တော်တဆဖြစ်မှာကိုပဲ။ တိုက်တဲ့သူတွေကို တိုက်တဲ့အလျောက် မှန်မှန် ကန်ကန် အရေးယူပေးဖို့ ပြောချင်တယ်။ မန္တလေးမှာက စည်းမရှိ၊ ကမ်း မရှိ သုံးယောက်စီးတာတွေ၊ တစ်လမ်းမောင်း ပြောင်းပြန်စီးနေကြတာ တွေကြောင့် ယာဉ်တိုက်မှုတွေက နေ့တိုင်းဖြစ်နေတာ။ ဒါကြောင့် အပြင် ထွက်ရင် ကိုယ့်ကို ကာကွယ်ပေးနိုင်မယ့် အကာအကွယ်တွေ ဆိုင်ကယ် ဦးထုပ်တွေ ဆောင်သွားရတယ်။ လမ်းကို ဂရုစိုက်မောင်းရတယ်။ တော် တော်တော့ သတိထားသွားနေရတယ်။ ယာဉ်မောင်းသူတိုင်းမှာ တာဝန် ရှိတယ်။ ယာဉ်ထိန်းရဲတွေကိုလည်း အခုထက် ကြပ်ကြပ်မတ်မတ် ပို ထိန်းပေးစေချင်တယ်။

ဦးဘိုတိုင်း

ကွမ်းယာရောင်းသူ၊ ချမ်းအေးသာစံမြို့နယ်၊ မန္တလေး

မန္တလေးမှာတော့ မတော်တဆမှုတွေထဲမှာ ဆိုင်ကယ်တိုက်တာ တွေ အများဆုံးပေါ့။ ဆိုင်ကယ်တွေတအားပေါတာကိုး။ နောက်ပြီး အ သက်မပြည့်သေးတဲ့ ကလေးတွေ စီးတာရယ်၊ ရမ်းကားပြီးစီးတာတွေ တအားများတယ်။ သုံးဘီးဆိုင်ကယ်တွေ၊ ကုန်တွေ အဆမတန်တင်ပြီး သွားတာတွေ အရမ်းအန္တရာယ်များတယ်။ ယာဉ်နဲ့ပတ်သက်တာဆိုတော့ ယာဉ်ထိန်းရဲ တာဝန်အရှိဆုံးပေါ့။ ဒါသူတို့အလုပ်ပဲ။ တကယ်ဖမ်းဆီးပြီး ထောင်ဒဏ်လောက်ထိ ချပစ်ချမှာ။ ထောင်ဒဏ်မဟုတ်ရင်လည်း ငွေ ဒဏ်များများ ချသင့်တယ်။ စည်းကမ်းမဲ့တဲ့သူတွေက ငွေဒဏ်ကျ မလေး စားဘူး။ ဆိုင်ကယ်အက်ဆီးဒင့်တွေကြောက်လို့ အပြင်သိပ်မထွက်တော့ ဘူး။ သွားရမယ်ဆိုရင်လည်း လမ်းမကြီးတွေက မသွားဘဲ လမ်းကြိုလမ်း ကြားက သွားတယ်။ နောက်ပြီး ရှေ့နောက်ဝဲယာ အကုန်ကြည့်သွားရ တယ်။

ဦးမျိုးအောင်

လမ်းသာယာရေးဥက္ကဋ္ဌ၊ ကမာရွတ်မြို့နယ်၊ ပေ ၅၀ လမ်း

လမ်းထဲမှာ ဓာတ်ကြိုးတွေ လဲပေးဖို့ စာတင်ထားတယ်။ ပြီးခဲ့တဲ့ နှစ် ကိုးလပိုင်းက အထက်ကို တင်ထားတယ်ဆိုတဲ့ စာတစ်စောင်ပဲ ရ တယ်။ ဘာမှ လာမလုပ်ဘူး။ လူသေပြီးမှပဲ လာပြီးတော့ လုပ်ပေးတယ်။ လူတွေက အခုဆိုရင် ဓာတ်ကြိုးဆိုရင် ကြောက်နေကြပြီ။ ဈေးသည်တွေ ကလည်း လမ်းပေါ်မှာ ပြည့်ကျပ်နေတယ်။ အိမ်တွေကလည်း လမ်းပေါ် ကို ကျူးကျော်ပြီးတော့ ဆိုင်တွေကို ဖွင့်ထားတယ်။ လမ်းတွေတောင် ပိတ်နေတယ်။ တစ်ခုခုဖြစ်ရင် ပြေးစရာနေရာမရှိဘူး။ ရှောင်လွှဲသွားလို့ လည်း မရဘူး။ ဒါတွေကိုလည်း ဖယ်ရှားပေးမှ ရမယ်။ စည်ပင်သာယာ ကလည်း စနစ်တကျ လုပ်မပေးဘူး။

ကိုဝဏ္ဏ

မင်္ဂလာတောင်ညွန့်

အခုတစ်လော နေထိုင်သွားလာရင်းနဲ့ စိတ်အပူဆုံးကတော့ လမ်း ဘေးက ရေနုတ်မြောင်းတွေပေါ့။ ဘာလို့လဲဆိုတော့ သက်ဆိုင်ရာက မြောင်းအဖုံးတွေဖွင့်ပြီး သန့်ရှင်းရေးလုပ်ကြပြီးရင် ပြန်မပိတ်ဘဲ ဒီအ တိုင်းထားကြတာ တွေ့တယ်။ အခုဆို မိုးတွင်းကို ရောက်နေပြီလေ။ မိုး များပြီး ရေကြီးလာရင် ဘာမှကို မမြင်နိုင်တော့ဘူး။ အဲဒီက ဖွင့်ထားတဲ့ မြောင်းအဖုံးတွေကလည်း ရေလျှံနေတော့ ဘာမှမမြင်တော့ဘူး။ ပြီးခဲ့ တဲ့နှစ်ကဆိုရင် ရေကြီးလို့ ဖွင့်ထားတဲ့ မြောင်းပေါက်တွေကို မမြင်ဘဲ ကျွံကျပြီး ဒဏ်ရာရသူတွေရော မလိုအပ်ဘဲ အသက်ဆုံးရှုံးမှုတွေ ဖြစ် တယ်။ အဲဒါကိုကြည့်ရင် ဘယ်လောက်အန္တရာယ်ရှိမှန်း သက်ဆိုင်ရာက သိသင့်နေပြီ ထင်ပါတယ်။ နွေရာသီမှာ ကိစ္စမရှိပေမယ့် တချို့မိုးများတဲ့ မိုးတွင်းကာလမှာဆို ဖုံးထားတဲ့မြောင်းဖုံး အင်္ဂတေတွေ အက်နေတာ။ ပြီးတော့ ဖြစ်သလိုပဲ ဖုံးထားတာတွေက ရင်လေးစရာပါ။ ဒီကိစ္စကိုလည်း ထိထိရောက်ရောက် ဆောင်ရွက်သင့်တယ်။ ဆောင်ရွက်ရင်လည်း အောက်က ၀န်ထမ်းတွေကို စောင့်ကြည့်တဲ့ အဖွဲ့တစ်ခုရှိမှ။ အဲဒီအဖွဲ့ အောက်မှာပဲ ၀န်ထမ်းတွေရဲ့ လုပ်ဆောင်မှုရှိသင့်တယ်လို့ ထင်တယ်။ အဲဒါမှ ထိရောက်မှာ။

ကိုထွန်းထွန်း

ဆံပင်ညှပ်ဆိုင်ပိုင်ရှင်၊ ကမာရွတ်မြို့နယ်

မြောင်းဖုံးတွေဆိုရင် တခြားနေရာမပြောနဲ့ စည်ပင်ရုံးအရှေ့မှာ တောင် ဖုံးထားတာမရှိဘူး။ အဲဒီထဲကို ပြုတ်ကျမှာပေါ့။ လုပ်သင့်တာ တွေက အများကြီးပဲ။ လမ်းထဲက ဓာတ်ကြိုးတွေဆိုရင်လည်း တိုင်သေး သေးလေးနဲ့ ကြိုးတွေအများကြီးကို ထောက်ထားတယ်။ ဘယ်တော့ ပြုတ်ကျမလဲ မသိဘူး။ ပြီးခဲ့တဲ့ ရက်ပိုင်းကလည်း ဓာတ်ကြိုးမကောင်း တာကိုတောင် ပြုတ်ကျပြီး လူသေတော့မှပဲ လဲပေးတော့တယ်။ တစ်ခုခု ဖြစ်မှပဲ လုပ်ပေးတာမျိုး ဖြစ်နေတယ်။ အမြင်မတော်တာတွေ၊ ပြင်ပေး သင့်တာတွေက အများကြီးပဲ။ အဲဒါတွေကို ကြိုတင်ကာကွယ်မှုအနေနဲ့ လုပ်ပေးမယ်ဆိုရင် မလိုအပ်ဘဲ အသက်ဆုံးရှုံးတာတွေ မဖြစ်တော့ဘူး ပေါ့။ အဲဒီလိုမျိုးမဖြစ်အောင် သူတို့ဘယ်လို တာဝန်ယူပေးနိုင်မလဲ။ အဲဒါက လိုအပ်နေတယ်။ မီတာခတွေ တိုးကောက်တယ်။ ၀န်ဆောင်မှု ကိုတော့ တိုးပြီးတော့မပေးဘဲ ပြင်သင့်တာတွေကိုတော့ လုပ်မပေးဘူး လေ။

ဟန်စိုးအောင်

သင်္ဃန်းကျွန်းမြို့နယ်

ဓာတ်လိုက်ပြီးသေတဲ့ သတင်းကြားတော့ အခုဘာလုပ်လုပ်အပေါ် ကို မော့ကြည့်မိနေတယ်။ အခုဖြစ်နေတာတွေက အထက်က တာဝန်ရှိ တဲ့ သူတွေ မသိတာလား။ အောက်ခြေကလူတွေက မလုပ်တာလား။  ဒီမတော်တဆဖြစ်တဲ့ အရာတွေအားလုံးက လုပ်ရင် ဘာမှခက်ခဲတဲ့အရာမဟုတ်ဘူး။ ရေ မြောင်းအပေါက်ဝမှာ အဖုံးမရှိတာတွေ၊ လျှပ်စစ်မီးကြိုး ပြတ်ကျတာတွေ။ ဒါတွေကို အစိုးရအနေနဲ့ လုပ်စေချင်တယ်။ လူတွေအနေနဲ့ကလည်း တိုင်းပြည်အပြောင်းအလဲကို အများကြီး မမျှော်လင့်ပါဘူး။ သွားရေးလာရေး လူတွေအခြေခံအကျဆုံးအရာတွေကို ဂရုစိုက်လုပ်ပေးစေချင်တယ်။

ကိုခင်မောင်ထွေး

သုံးဘီးယာဉ်မောင်း၊ မုံရွာကားလေးကွင်း၊ မုံရွာမြို့

ယာဉ်မတော်တဆဖြစ်မှာကိုပဲ စိုးရိမ်မိပါတယ်။ စည်းကမ်းမဲ့ ယာဉ် မောင်းတွေကြောင့်ပါ။ အစိုးရအနေနဲ့ မော်တော်ယာဉ်တွေ စည်းကမ်း တကျဖြစ်အောင် ဆောင်ရွက်သင့်ပါတယ်။ မိမိကို မထိခိုက်အောင် ဆင်ခြင်မောင်းနှင်နေရပါတယ်။ ဘေးအန္တရာယ်ကင်းဖို့ကတော့ လူတိုင်း လူတိုင်း ကိုယ်စီ တာဝန်ရှိပါတယ်။

ဒေါ်ညွန့်ကြည်

မန္တလေး

မိုးတွင်းလေပြင်းကျတော့မှာဖြစ်လို့ လမ်းသွားရင်း ဓာတ်ကြိုးပြတ် ကျပြီး ဓာတ်လိုက်သေမှာ ကြောက်တာ။ လွန်ခဲ့တဲ့ လေးနှစ်လောက်က ဘုရားကြီးဈေးထဲမှာ ဈေးရောင်းတုန်းက ကလေးလေးတစ်ယောက် ပြတ်နေတဲ့ ဓာတ်ကြိုးကို နင်းမိပြီး ကိုယ့်ရှေ့တင် သေသွားဖူးတာ မြင်ပြီး ကတည်းက ကြောက်တာ။ အခုနောက်ပိုင်းမှာ တိုင်အသစ်တွေ လဲပေး လို့ နည်းနည်းတော်သေးတယ်။ အရင်တိုင်အဆွေးအဟောင်းကြီးတွေ တုန်းကဆို ကြိုးတွေကလည်း ပြွတ်ကျပ်ပြီး ကြည့်ရတာကိုက ကြောက် စရာအရမ်းကောင်းတာ။ လျှပ်စစ်နဲ့ပတ်သက်တဲ့သူတွေက လူနေရပ် ကွက်ထဲကို သေချာကွင်းဆင်းပြီး ဓာတ်တိုင်၊ ဓာတ်ကြိုးတွေ အန္တရာယ် ကင်း၊ မကင်း စစ်ဆေးတာမျိုးတွေ လုပ်ပေးစေချင်တယ်။

ဦးဇော်ဇော်အောင်

မွေးမြူရေးလုပ်ငန်းရှင်၊ ထနောင်းဝန်းကျေးရွာ၊ မုံရွာမြို့နယ်

နေ့စဉ်သွားလာမှု အများဆုံးက ကျောက္ကာလမ်းမကြီးပေါ့။ အဲဒီ လမ်းမကြီးကိုသွားတိုင်း ရေနံတင်ယာဉ်တွေ၊ ဆိုင်ကယ်တွေရဲ့ မတော် တဆမှုတွေ ကြုံတွေ့ရမှာကိုပဲ စိုးရိမ်နေရတယ်။ ယာဉ်အများစုက စည်း ကမ်းမဲ့မောင်းလို့ သွားလာသူတွေ နေ့စဉ် စိုးရိမ်နေရတာပါ။ အစိုးရအ နေနဲ့ ဥပဒေနဲ့အညီ စစ်ဆေးအရေးယူစေချင်ပါတယ်။ ယာဉ်မောင်းတိုင်း က သွားလာတဲ့အချိန်တိုင်း သတိဝီရိယရှိရှိနဲ့ သွားလာနေရတယ်။ တစ် ခါတစ်ရံ လမ်းဘေးထိုးချရပ်ရတဲ့အထိပေါ့။ ဘယ်သူ့မှာ တာဝန်ရှိသလဲ ဆိုရင်တော့ ယာဉ်မောင်းသူအားလုံးမှာ တာဝန်ရှိတယ်လို့ ပြောချင်ပါ တယ်။ စည်းကမ်းတကျမောင်းနှင်ဖို့ လိုအပ်သလို သတ်မှတ်မိုင်နှုန်းနဲ့ အညီ ဘေးအန္တရာယ်ကင်းကင်း မောင်းနှင်စေချင်ပါတယ်။

ကိုကျော်ကျော်ထိုက်

ကုမ္ပဏီဝန်ထမ်း၊ ချမ်းအေးသာစံမြို့နယ်၊ မန္တလေး

ယာဉ်တိုက်မှုတွေ မကြာခဏဖြစ်နေတော့ ဆိုင်ကယ်ကို တော် တော်လေး သတိထားစီးရတယ်။ အဲဒီလိုတွေမဖြစ်အောင် ယာဉ်သွား ယာဉ်လာရှုပ်တဲ့နေရာတွေမှာ ယာဉ်ထိန်းရဲတွေ မီးပွိုင့်တွေ ထပ်ထားပေး သင့်တယ်။ နောက်ပြီး မန္တလေးမှာ မိုးရွာရင် မြောင်းတွေက ရေလျှံတယ်။ သွားလို့လာလို့ မကောင်းတော့ဘူး။ ရေစီးရေလာကောင်းအောင် မြောင်း တွေဖောက်သင့်တယ်။ သွားသတိ၊ လာသတိနဲ့ နေနေရတာပေါ့။ လက် လွတ်စပယ်မောင်းလို့မရဘူးပေါ့။ ကိုယ့်ကိုယ်ကိုယ် ကာကွယ်ကြဖို့ပဲ ပြောချင်ပါတယ်။ ဆိုင်ကယ်ဦးထုပ်ဆောင်းဖို့၊ ကိုယ့်ကိုယ်ကိုယ် Safe ဖြစ်အောင် ကာကွယ်ဖို့ အကြံပေးချင်တယ်။

ကိုသက်နိုင်ထွန်း

မင်္ဂလာတောင်ညွန့်မြို့နယ်

အဓိကတော့ ကားတွေပဲ။ မြို့ထဲမှာ မောင်းချင်သလို မောင်းနေကြ တာ။ နယ်နဲ့ရန်ကုန် တော်တော်ကွာတယ်။ ဒီမှာ လမ်းတွေကလည်း ကျပ် တော့ မောင်းတဲ့သူကလည်း စိတ်မရှည်ဘူး။ အစ်ကိုဆို တက္ကစီနဲ့ပဲသွား တော့တယ်။ ရှင်းတဲ့လမ်းက မောင်းခိုင်းတယ်။ နောက်လမ်းတွေမှာ ဓာတ်တိုင်ပြတ်ကျတာတို့ဆိုတာ ဒါတွေက အရာဝတ္ထုတွေဖြစ်တော့ အ စိုးရအနေနဲ့ အမြဲစစ်ဆေးရမယ်။ ဒီလိုမဖြစ်အောင် ကိုယ်တို့မှာ တာဝန် အရှိဆုံးပါ။ ကိုယ်နဲ့အနီးဆုံးဖြစ်တော့ ဓာတ်တိုင်တွေကျိုးနေလား၊ ဓာတ် ကြိုးတွေ မကောင်းဘူးလားဆိုတာ ကိုယ်က အကြောင်းကြားရမှာပေါ့။ နောက်ဒုတိယတာဝန်အရှိဆုံးကတော့ အစိုးရပဲ။

ကိုတင်မျိုးဇော်

မီးပွိုင့်များတွင် စာအုပ်ရောင်းသူ

အပြင်ထွက်ရင် အမြဲတမ်းဘုရားစာရွတ်တယ်။ ဘာလုပ်လုပ် သတိ ၀ီရိယနဲ့ အလုပ်လုပ်ရတယ်။ ကားတွေကြားထဲ ဈေးရောင်းရတာဆိုတော့ သတိလက်လွတ်ဖြစ်လို့ မရဘူး။ တချို့ မတော်တဆဖြစ်ရတာတော့ သဘာဝအရဖြစ်တာမှန်ပေမယ့် ဒီလိုမျိုးမဖြစ်ရအောင် ကြိုတင်ပြင်စေ ချင်တယ်။ ရန်ကုန်မှာက မိုးရွာတိုင်း ရေကြီးတယ်ဗျ။ ပလက်ဖောင်း မြောင်းအပေါက်တွေမှာ အဖုံးမရှိတာတွေကိုတော့ ပြုပြင်ပေးစေချင် တယ်။

ကိုသက်ဇော်

ပုဇွန်တောင်

နေ့တိုင်းသွားလာရင်းနဲ့ စိတ်အပူဆုံးကတော့ ယာဉ်တိုက်ခံရမှာပါ ပဲ။ အခုလို မိုးရာသီတွေဆိုရင် ရေမြောင်းတွေပိတ်တော့ ရေတွေကြီးကြ တယ်။ အဲဒီတော့ ကားတွေလည်း ပိတ်တယ်။ အဲဒီအချိန်ဆိုရင် ကား တွေက အရမ်းကျော်တက်ကြတယ်။ အရှေ့က လူတွေကိုလည်း မမြင် ဘူး။ ကျော်တက်တယ်။ အဲဒီတော့ ယာဉ်မတော်တဆမှုတွေဖြစ်ပြီး လူ တွေလည်း ဒုက္ခရောက်ရတယ်။ မိုးတွင်းဆိုရင်ပိုဆိုးတယ်။ မိုးရွာတာ တောင် အရမ်းမောင်းတဲ့ ကားတွေရှိတယ်။ အဲဒီလိုအချိန်ဆို ပိုပြီး ဂရု တစိုက်နဲ့ လမ်းသွားရတယ်။ အစိုးရပိုင်းကလည်း ကားကျပ်တဲ့နေရာ ၊ယာဉ်တွေကျော်တက်ပြီး စည်းကမ်းမဲ့မောင်းတဲ့နေရာတွေမှာ ယာဉ် ထိန်းရဲတွေကို လုံလုံလောက်လောက် ချပေးသင့်ပါတယ်။ ဒါပေမဲ့ အစိုး ရဘက်ကချည်းပဲတော့ ဖြေရှင်းလို့ မရဘူးပေါ့။ အဓိကကတော့ လူတိုင်း စည်းကမ်းရှိဖို့နဲ့ သတိရှိကြဖို့လို့ ထင်ပါတယ်။

By သတင်းအဖွဲ့

7DAY DAILY

http://7daydaily.com/story/14511#.U7CtubHCdnE