မုံရွာ သြဂုတ် ၁၀
ငြိမ်းချမ်းရေး နှင့် ပွင့်လင်း လူ့အဖွဲ့အစည်း ဖော်ဆောင်ရေး လုပ်ငန်းများကို ဦးစားပေး ဆောင်ရွက်ရန် ၈၈ မျိုးဆက် ကျောင်းသားများသည် သြဂုတ်လ ၉ ရက်နေ့ ည ၁၁ နာရီခန့်တွင် မုံရွာ မြို့သို့ ရောက်ရှိလာခဲ့ပြီး ဗိုလ်ချုပ် လမ်းမကြီးပေါ် ရှိ ရာပြည့်ခန်းမ၌ မြို့ခံများနှင့် တွေ့ဆုံခဲ့ကြောင်း မုံရွာ မြို့ခံ The Voice Weekly သတင်းထောက်က သတင်းပေးပို့သည်။
၈၈ကျောင်းသားများ အဖွဲ့သည် ယင်းနေ့ညကမြို့ခံများဖြင့် တွေ့ဆုံရန် အစီအစဉ် မရှိဘဲ ခန်းမ သွားကြည့်ရာမှ မင်းကိုနိုင်မှ မြို့ခံများနှင့် ၁၅မိနစ်ခန့် စကား ပြောကြားခဲ့ပြီး တည်းခိုမည့် အိမ်သို့ပြန်လည် ထွက်ခွာသွားကြောင်း ယင်းအဖွဲ့များအား အကူအညီ ပေးနေသည့် မုံရွာမြို့ခံများက ပြောကြားသည်။
ယနေ့နံနက်ပိုင်း ၇ နာရီတွင်အလုံတပ်မြို့ရှိ အောင်ချမ်းသာ ကျောင်းတိုက်တွင် ၀ါဆိုသင်္ကန်း ဆပ်ကပ်ခြင်း ၉နာရီတွင် မြို့ခံလူထုနှင့်တွေ့ဆုံခြင်းများ ပြုလုပ်ပြီးနောက် ချင်းတွင်းမြစ်အနောက် ဘက်ကမ်းရှိ လက်ပန်းတောင်း တောင် ကြေးနီ စီမံကိန်း ကြောင့် ဆုံးရှုံး နစ်နာခဲ့သည့် တောင်သူများနှင့်တွေ့ဆုံရန် စီစဉ်ထားကြောင်း မုံရွာမြို့ခံ ၈၈မျိုးဆက် ကျောင်းသားတစ်ဦးက ပြောကြားသည်။
The Voice Weekly
No comments:
Post a Comment