Friday, July 18, 2014

သြစတေးလျညီလာခံတက်မယ့်သူ တရာကျော် မလေးလေယာဉ်နဲ့ ပါသွား

ပစ်ချခံရပြီး ၂၉၈ ဦး သေဆုံးခဲ့တဲ့ မလေးရှားလေယာဉ်မှာ သြစတေးလျနိုင်ငံ မဲလ်ဘုန်းမြို့ AIDS ညီလာခံကြီးတခုကိုတက်ရောက် ကိုယ်စားလှယ် အယောက် ၁ဝဝ ခန့် ပါဝင်သွားတယ်လို့ သြစတေးလျအွန်လိုင်းသတင်းတပုဒ်မှာ ရေးထားပါတယ်။
ဒီကိုယ်စားလှယ်တွေဟာ ဆေးသုတေသနသမား၊ ကျန်းမာရေးဝန်ထမ်း၊ ကျန်းမာရေးဆိုင်ရာတက်ကြွလှုပ်ရှားသူတွေ ဖြစ်တယ်လို့ ဆိုပါတယ်။လေယာဉ် ပစ်ချခံရ တဲ့ သတင်းကိုတော့ ဒီဘလော့မှာ ရေးထားပါတယ်။ http://blog.irrawaddy.org/2014/07/mh-17.html မှာ ပြန်ဖတ်နိုင်ပါတယ်။

လေယာဉ်ပျက်ကျသွားတဲ့ ယူကရိန်းနယ်စပ်မှာတော့ ဒေသခံတွေကို ကိုးကားပြီး နယူးယောက်တိုင်းမ်မှာ ရေးထားတာကတော့ ခရီးသည်တွေရဲ့ ရုပ်အလောင်းတွေ မိုးပေါ်ကနေ မြေပင်ကို ပြုတ်ပြုတ်ကျလာတယ်၊ အပျက်အစီးအပိုင်းအစတွေလည်း အဲဒီအနီးတ၀ိုက်ကို ပြန့်ကျဲပြီး ကျလာတယ်လို့ ဆိုတယ်။

လေယာဉ်တိုက်ခိုက်ခံရပြီးနောက်ပိုင်း ကယ်ဆယ်ရေးလုပ်ငန်း လုပ်နေတဲ့ နယ်စပ်က ခွဲထွက်ရေးသူပုန်တယောက်ကတော့ အင်မတန်ကြောက်စရာကောင်းတဲ့အဖြစ်အပျက်ပဲ၊ သူတို့အားလုံး တုန်လှုပ်မိပါတယ်လို့ ပြောဆိုကြောင်း နယူးယောက်တိုင်းမ်မှာ ရေးပါတယ်။

ပြုတ်ကျလာတဲ့ ရုပ်အလောင်းတွေကို ကြည့်လိုက်တော့ ခရီးသည်အများအပြားဟာ ထိုင်ခုံခါးပတ်တွေ ပတ်ထားကြတုန်းပဲလို့ ဆိုပါတယ်။
ကယ်ဆယ်ရေးလုပ်သားတွေပြောတော့ကတော့ ကလေးတွေရဲ့ ရုပ်အလောင်းတွေလည်း တွေ့ရတယ်လို့ ဆိုတယ်။

အဖြစ်အပျက်က ယူကရိန်းမှာ ပေါ်ပေါက်ခဲ့တဲ့အတွက် လေယာဉ်ပစ်ချမှုနဲ့ ပတ်သက်ပြီး ကမ္ဘာ့နိုင်ငံရေးလောကမှာတော့ အကြီးအကျယ် ပွဲဆူနေပါတယ်။

လေယာဉ်ပစ်ချခံရတဲ့နေရာဒေသအကြောင်း ဆက်စပ်တဲ့ သတင်းတပုဒ်ရဲ့လင့်ကို အောက်မှာ ဖော်ပြပေးလိုက်ပါတယ်။
ဧရာဝတီ (ဘလော့ဂ်)
ဆက်စပ်

ခရိုင်းမီးယား ဒေသ ရုရှားပိုင် ဖြစ်သွားပြီ

မလေးရှား လေကြောင်းလိုင်း MH 17 ယူကရိန်းမှာ ပစ်ချခံရ
  • http://blog.irrawaddy.org/2014/07/mh-17.html

မလေးရှား MH 17 ပျက်ကျပြီး မြင်ကွင်းရုပ်သံ 

No comments:

Post a Comment