ပီအာစနစ် လွှတ်တော်တွင် တင်လိုက်တော့ အပြင်လောကတွင် ပွက်လောရိုက်သွားကြသည်။ လာမည်ရွေးကောက်ပွဲများတွင် မဲအပြတ်အသတ်ဖြင့် နိုင်မည်ဟု တွက်ဆထားသော ပါတီဝင်များက ပီအာ စနစ်ကို စိတ်ဆိုးကြသည်

နိုင်ငံရေး ပါတီများကြား ဗျာများနေကြပြီ။ ရွေးကောက်ပွဲများတွင် မည်သည့် စနစ်ကျင့်သုံးရမည်ကို ညှိုနှိုင်းနေ၍ဖြစ်သည်။

လွန်ခဲ့သည့် သုံးရက်က လွှတ်တော်တွင် အဆိုတခုတင်လိုက်သည်။

ရွေးကောက်ပွဲများတွင် ပီအာစနစ် ကျင့်သုံးရန်ဖြစ်သည်။

အစကတော့ စိုပြေလည်း PR ဆိုလျှင် ပြည်သူ့ဆက်ဆံရေးဆိုတာလောက်သာ သိခဲ့သည်။

အခု PR ကတော့ စိုပြေတို့ သိနေသည့် ပီအာမဟုတ်။

လွှတ်တော်တွင် အဆိုတင်သည့် ပီအာစနစ်ကတော့ အချိုးကျရွေးကောက်ခြင်းစနစ်ဖြစ်သည်။
ယခုလက်ရှိ ကျင့်သုံးသကဲ့သို့ ရွေးကောက်ပွဲတွင် နိုင်သောသူ လွှတ်တော်အမတ်ဖြစ်စတမ်းမဟုတ်တော့။
တနိုင်ငံလုံးတွင် မဲရရှိမှု ရာခိုင်နှုန်းအလိုက် ပါတီကိုယ်စားပြု အမတ်များကို လွှတ်တော်သို့ ပို့ဆောင်ရေးဖြစ်သည်။
ဥပမာ တနိုင်ငံလုံးတွင် A ပါတီက မဲ ၅၀ ရာခိုင်နှုန်းရလျှင် လွှတ်တော်ထဲတွင် အမတ် ငါးဆယ်ရာခိုင်နှုန်းရမည်။
B ပါတီက တနိုင်လုံး မဲ ၃၀ ရာခိုင်နှုန်းရလျှင် လွှတ်တော်ထဲတွင် အမတ် ၃၀ ရာခိုင်နှုန်းရမည်။
ပါတီငယ်လေးများက တနိုင်ငံလုံး မဲ ၁ ရာခိုင်နှုန်းရလျှင် လွှတ်တော်ထဲတွင် အမတ် ၁ ရာခိုင်နှုန်းရမည်။

လက်ရှိ ရွေးကောက်ပွဲစနစ်အရမဲဆန္ဒတစ်ခုတွင် နိုင်သောသူသာ အမတ်ဖြစ်သဖြင့် အခြားရှုံးနိမ့်သူ ရရှိသော မဲများက အလကားဖြစ်သွားသည်။
ဥပမာ မဲဆန္ဒတစ်ခုတွင် A ပါတီက ကိုယ်စားလှယ်က မဲ ၆၀ ရာခိုင်နှုန်ရ B ပါတီက မဲ သုံးဆယ် ရာခိုင်ရာနှုန်းရလျှင် A ပါတီသာ နိုင်သွားသည်။
B ပါတီ လွှတ်တော်ကိုယ်စားလှယ်အမတ် ရရှိသည့် မဲ ၃၀ ရာခိုင်နှုန်းသည် အလကားဖြစ်သွားတော့သည်။

ပီအာစနစ်ကို ရှင်းပြတာနှင့်ပင် စာကရှည်ပြီ။
ပီအာစနစ် လွှတ်တော်တွင် တင်လိုက်တော့ အပြင်လောကတွင် ပွက်လောရိုက်သွားကြသည်။
လာမည်ရွေးကောက်ပွဲများတွင် မဲအပြတ်အသတ်ဖြင့် နိုင်မည်ဟု တွက်ဆထားသော ပါတီဝင်များက ပီအာ စနစ်ကို စိတ်ဆိုးကြသည်။
ပီအာစနစ်ကျင့်သုံးလျှင် သူတို့ နိုင်သော်လည်း အခြားပါတီကို အမတ်အရေအတွက် ခွဲပေးရမည်။ ဒါကို မကျေနပ်။
ပီအာစနစ်ကျင့်သုံးရန် အဆိုတင်သည့် သူကို ၀ိုင်းဆဲကြသည်။

လွှတ်တော်ကိုယ်စားလှယ် အများအပြားက ထိုအဆိုကို ထောက်ခံလိုက်ကြသဖြင့် လွှတ်တော်တွင်း ဆွေးနွေးရန် အတည်ပြုခဲ့လေသည်။

တကယ်တော့ အခြားပါတီများကလည်း PR စနစ် ကျင့်သုံးရန် သဘောတူရခြင်းမှာ သူတို့ မဲရှုံးမှာ ကြောက်၍ဖြစ်သည်။
လက်ရှိတွင် NLD ပါတီက လူထုထောက်ခံမှု အများအပြားရရှိနေသဖြင့် ဘယ်ပါတီမှ မယှဉ်နိုင်။ ပါတီခြင်းပင် မယှဉ်နိုင်တာမဟုတ်။
လူခြင်းယှဉ်တော့လည်း အဆိုပါ NLD ပါတီဝင်တွေက လူမိုက်တွေ များနေဖြင့် အခြားပါတီဝင်များ မယှဉ်နိုင်။
ငါတို့ ပါတီ လာထိရင် မီးပွင့်သွားမယ် ဆိုသည့် လူစားများဖြစ်သဖြင့် အခြားပါတီဝင်များလည်း ကြောက်ကြသည်။

NLD ပါတီဝင်များတော့ ဒါဟာ အခြေဥပဒေ ပြင်ဆင်ရေးကို အာရုံလွှဲတာဟု ပြောကြသည်။
ဟုတ်တော့လည်း ဟုတ်သည်။ ယခုတလော အခြေခံဥပဒေ ပြင်ဆင်ရေးကို လူအများ တတ်တတ်ကြွကြွလုပ်ဆောင်နေကြသည်မဟုတ်ပါလား။
ထိုလူများ စိတ်ထဲတွင်လည်း ပီအာစနစ်သည် အခြေခံဥပဒေပြင်ဆင်ရေးကို အနှောက်အယှက်လာပေးသည်ဟု မြင်သွားကြသည်။

PR ကို ထောက်ခံကြသူများလည်း PR စနစ်ကောင်းကြောင်းရှင်းပြကြသည်။ ကမ္ဘာ့နိုင်ငံပေါင်း ၉၀ ကျော်တွင် ပီအာစနစ်ကျင့်သုံးသည်ဟု ဆိုလို့ဆို။ အမေရိကန်နိုင်ငံရှိ ပြည်နယ်အချို့တွင်လည်း
ပီအာစနစ်ကျင့်သုံးသည်ဟုလည်း ဆိုကြပြန်သည်။
ဘာပဲ ဖြစ်ဖြစ် နိုင်ငံရေးသမားဆိုတာကတော့ လွှတ်တော်ထဲတွင် နေရာရန် ကြိုးပမ်းအားထုတ်မည်။ ပြီးလျှင် အစိုးရအဖွဲ့တွင် ပါနိုင်အောင် ကြိုးပမ်းမည်။
ဒီလိုမျိုး အာဏာရရန် နည်းမျိုးစုံ အသုံးပြုကြမည်။
ဒီမိုကရေစီစနစ်ဆိုတော့ ရွေးကောက်ပွဲသာ အဓိကဖြစ်သည်။ ရွေးကောက်ပွဲတွင် ရှုံးလျှင် ငါးနှစ်လောက်တော့ နားနေရမည်။
ယခုတော့ ဒါမျိုး အဖြစ်မခံနိုင်။ ဒါကြောင့်လည်း နေရာမရ မရှိရလေအောင် ကြံစည်ကြခြင်းဖြစ်သည်။

NLD ပါတီကြီးကလည်း လက်ရှိရွေးကောက်ပွဲစနစ်အတိုင်းဆို သူသာ မဲနိုင်ပြီး အာဏာရမည်ဆိုတော့ သူ့နေရာများကို အခြားလူကို မခွဲပေးလို။
အခြားပါတီများလည်း လက်ရှိရေးကောက်ပွဲ စနစ်အတိုင်းသာ ယှဉ်လျှင် NLD ပါတီကို မယှဉ်နိုင်ဘဲ နေရာ တနေရာမှ ရမည်မဟုတ်။
ကိုယ်နိုင်မည့် အကြောင်းကို လုပ်ဆောင်ကြရင်း ပဋိပက္ခဖြစ်နိုင်လေသည်။
ကြံ့ခိုင်ရေးပါတီကြီးကလည်း သူတစ်ကောင်ထဲ ဦးဆောင်နေချိန်တုန်းက သူ့နေရာ ဖဲ့ပေးရမှာ ကြောက်သဖြင့် ပီအာစနစ်ကို လက်မခံသလိုလို၊ လက်ခံသလိုလို မရှင်းလင်း။
ယခု NLD ပါတီ ၀င်လာပြီး ကြားဖြတ်ရွေးကောက်ပွဲတွင် အပြတ်အသတ်ရှုံးသွားတော့မှ ကြံ့ခိုင်ရေးပါတီလည်း ကိုယ့်အခြေအနေကိုယ် သိသွားပုံရသည်။
ဒါကြောင့်လည်း ယခုတော့ ပီအာစနစ်ကို ထောက်ခံမည့် ပုံစံရှိနေတော့သည်။

ဘာပဲဖြစ်ဖြစ် PR စနစ်တွင်လည်း အားသာချက်များရှိသည်။ အဓိကကတော့ ပါတီငယ်များ နေရာမရမှာ မပူရတော့။
လူအနည်းခံ ထောက်ခံလျှင်လည်း ထောက်ခံသည့် ပမာဏအလိုက် လွှတ်တော်တွင် နေရာရမည်သာ။
သို့သော်လည်း ပါတီက ဘယ်သူတွေကို လွှတ်တော်သို့ စေလွှတ်မည်ဆိုတော့ ကိစ္စကတော့ ပြဿနာတတ်နိုင်သည်။
ပါတီဝင်တိုင် လွှတ်တော်တို့ သွားလိုကြသည်မဟုတ်ပါလား။
ပါတီငယ်များ အကြားတွင်လည်း ဘာသာရေး အစွန်းရောက်ပါတီတွေ၊ လူမျိုးရေး အစွန်းရောက်ပါတီတွေ ပါဝင်လာနိုင်သည်။
ပြီးတော့ လွှတ်တော်ထဲသို့ ရောက်သည့် အမတ်များက မည်သည့် မဲဆန္ဒနယ်ကိုမှ ကိုယ်စားမပြုသဖြင့် မဲထည့်သော လူများအတွက် ဘာမှ အကျိုးမထူးနိုင်။
ကိစ္စတော့မရှိပါ။ ယခုလည်း အမတ်တွေက သူတို့ မဲဆန္ဒနယ် ဖွံ့ဖြိုးတိုးတတ်အောင်လုပ်ပေးတာမှ မဟုတ်တာ။ အရွေးခံရလျှင် လှည့်မကြည့်တော့။

ပြည်သူတွေကတော့ ဘယ်လို ရွေးကောက်ပွဲပဲ လုပ်လုပ် မဲပေးရမည်သာ။
ဒါမှလည်း နိုင်ငံရေးသမားတွေ အာဏာရမည်မဟုတ်ပါလား။
မဲပေးခဲ့သူတွေကို ပြန်ကြည့်တာ မကြည့်တာကတော့ လွှတ်တော်အမတ်ရဲ့ စေတနာပေါ့လေ။

စိုပြေ
4:50 PM 6/6/2014

Copy from https://www.facebook.com/kotoendf?fref=photo