ဟံသာဝတီလေဆိပ် နမူနာကို တွေ့မြင်ရစဉ်
ဧပြီ(၂၃)၊ ၂၀၁၄
By ဒီဗွီဘီ
တင်ဒါ အောင်မြင်တဲ့ ကုမ္ပဏီ ရွေးချယ်ပြီးနောက်မှ အဆင်မပြေမှု ဖြစ်ပေါ်လို့
ဒုတိယအကြိမ် တင်ဒါပြန်ခေါ်ထားတဲ့ ဟံသာဝတီ အပြည်ပြည်ဆိုင်ရာလေဆိပ်
စီမံကိန်းကို နိုင်ငံတကာ ကုမ္ပဏီ ၃ ခုက တင်ဒါ ပြန်လျှောက်ထားခဲ့တယ်လို့
မြန်မာ့လေကြောင်းတာဝန်ရှိသူတယောက်က အတည်ပြု ပြောဆိုပါတယ်။
နဂို တင်ဒါ ၀င်ပြိုင်ခဲ့တဲ့ ပြင်သစ် ဗင်စီ (Vinci)
ကုမ္ပဏီအုပ်စုက နောက်ထပ် ၀င်မပြိုင်တော့ပဲ ကိုရီးယား အင်ချွန်ကုမ္ပဏီ၊
စင်ကာပူ ယန်နန် (Yangnam)ကုမ္ပဏီနဲ့ ဂျပန် တိုင်ဆေးအ် (Taisei) ကုမ္ပဏီတို့ပဲ
တင်ဒါ ပြန်တင်ခဲ့ကြပါတယ်။
တင်ဒါကို ဧပြီ ၂၂ ရက်က ပိတ်ခဲ့ပြီး မေလထဲမှာ တင်ဒါအောင်သူ ထုတ်ပြန်ကြေညာမယ်လို့ ဆိုပါတယ်။
လက်ရှိ တင်ဒါအသစ်ရဲ့ စည်းကမ်းချက်ထဲမှာ တည်ဆောက်ရေးကုမ္ပဏီတွေအနေနဲ့
နိုင်ငံတကာဖွံ့ဖြိုးရေး အကူအညီ (အိုဒီအေ) ၅၀ ရာခိုင်နှုန်းအထိ ရယူပြီး
တည်ဆောက်နိုင်ခွင့် ရှိတယ်ဆိုတဲ့ အချက်ကိုလည်း ထည့်သွင်းထားပါတယ်။
ဒီဗွီဘီ
No comments:
Post a Comment