စစ်ကိုင်းတိုင်း ကန့်ဘလူမြို့နယ် တရားရုံးက စစ်တပ်နဲ့ မြေယာပိုင်ဆိုင်မှု
အငြင်းပွားနေတဲ့ ကျေးရွာ ၄ ရွာက ရွာသား ၃၁ ယောက်ကို မနေ့က ထောင်ဒဏ် ၃ လကနေ ၃
နှစ်အထိ အသီးသီး ချမှတ်ခဲ့ပါတယ်။
ကျန်တဲ့ တောင်သူတွေကိုလည်း လာမယ့် ဇူလိုင် လ၂၁ ရက်နေ့မှာ
ရုံးချိန်းခေါ်ထားတယ်လို့ တရားစွဲဆိုခံထားသူတွေထဲက ခအုန်းသာကျေးရွာက တောင်သူ
ဒေါ်တင်တင်စန်းက ပြောပါတယ်။
"စစ်တပ်ကနေပြီးတော့ ၂ဝ၁၃ က မူလပိုင်ရှင်တွေကို ပြန်ပေးပြီးတော့
လုပ်စားပိုင်ခွင့် ပုံစံ ၃ တွေရောချပေးထားလို့ တောင်သူတွေက
လုပ်ကိုင်နေတာပါ၊ အခုတိုင်တဲ့ဟာတွေက သီးစားတွေကတိုင်တာ၊ လယ်သမားတွေ ၃
လအတွင်းကို ၅၄ ယောက်ရှိသွားပြီ ၂၁ ရက်နေ့ကို လူပေါင်း ၂ဝဝ ကျော် ၃ဝဝ
လောက်တော့ ရုံးချိန်းရှိပါတယ်"
ကန့်ဘလူမြို့နယ်မှာ ထောက်ပံ့ရေးနဲ့ ပို့ဆောင်ရေးတပ်က ကြံစီမံကိန်းအတွက်
သိမ်းယူထားတဲ့ လယ်မြေဧက ၁ သောင်းကျော်မှာ တောင်သူတွေက
ဝင်ရောက်ထွန်ယက်လို့ဆိုပြီး ကန့်ဘလူမြို့နယ် ကျေးရွာတွေက တောင်သူ ၂၀၀ ကို
တရားစွဲထားပြီး မနေ့ကအထိ တောင်သူ ၅၄ ဦးကို ထောင်ဒဏ် ၃ လကနေ ၃ နှစ်အထိ
ပြစ်ဒဏ်တွေ ချမှတ်ခဲ့ပါတယ်။
အဲဒီတောင်သူတွေကို စစ်တပ်က တရားစွဲတာမဟုတ်ပဲ သီးစားလုပ်ခွင့်ရထားတဲ့သူတွေက
အကျိုးပျက်စီးမှု ပုဒ်မ ၄၂၇ ၊ ပိုင်နက်ကျူးလွန်မှာ ၄၄၇ တို့နဲ့
တရားစွဲဆိုထားတာ ဖြစ်ပါတယ်။
ကန့်ဘလူမြို့နယ်က လယ်ဧကတစ်သောင်းကျော်ကို ၁၉၉၉ ခုနှစ်မှာ ထောက်ပံ့ရေးနဲ့
ပို့ဆောင်ရေးတပ်က သိမ်းယူခဲ့ရတာဖြစ်ပြီး အဲဒီနေရာမှာ
သကြားစက်တည်ဆောက်ထားတယ်လို့ သိရပါတယ်။
RFA Burmese
No comments:
Post a Comment