ဗုဒ္ဓဟူးနေ့က ၇ ရက်မြောက်ကစားတဲ့ ကမ္ဘာ့ဖလား ဘောလုံးဗိုလ်လုပွဲတွေမှာ လက်ရှိ
ကမ္ဘာ့ဖလား ချန်ပီယံ စပိန်အသင်း အုပ်စုအဆင့်မှာတင် ရှုံးလို့
ထွက်သွားရပါပြီ။ အုပ်စု B က စပိန်အသင်း ထွက်သွားရပေမဲ့ နယ်သာလန်နဲ့
ချီလီအသင်းတွေကတော့ ဒုတိယအဆင့်ကို တက်သွားကြပါပြီ။
စပိန်နဲ့ ချီလီ ကန်ကြတဲ့ပွဲမှာ စပိန်က ၂ ဂိုး ဂိုးမရှိနဲ့ ချီလီကို
ရှုံးပါတယ်။ အရင်ပွဲတုန်းကလည်း စပိန်က နယ်သာလန်ကို ၅ ဂိုး ၁ ဂိုးနဲ့
ရှုံးထားတဲ့အတွက် ၂ ပွဲ ရှုံးပြီး ထွက်သွားရတာပါ။ စပိန်အသင်း
ကြိုးစားကစားပေမဲ့ ချီလီနောက်တန်းက အခိုင်အမာ ကာကွယ်ထားနိုင်တဲ့အတွက်
စပိန်အသင်း တဂိုးမှဝင်အောင် မသွင်းနိုင်ခဲ့ပါဘူး။
အုပ်စု B ကထွက်သွားရတဲ့ နောက်တသင်းကတော့ သြစတြေးလျအသင်းပါ။ သြစတြေးလျ
အသင်းဟာဆိုရင်လည်း ဗုဒ္ဓဟူးနေ့က နယ်သာလန်နဲ့ ကစားတာမှာ ၃ ဂိုး ၂ ဂိုးနဲ့
ရှုံးပါတယ်။ ချီလီနဲ့ ပွဲတုန်းကလည်း သြစတြေးလျက ၂ ဂိုး ဂိုးမရှိနဲ့
ရှုံးထားတာကြောင့် အုပ်စုအဆင့်မှာတင် ပြုတ်သွားခဲ့ပါတယ်။
မကြာခင်ကပဲ အုပ်စု A က ကင်မရွန်းအသင်းနဲ့ ခရိုအေးရှားအသင်းတို့
ကန်ပြီးသွားပါတယ်။ ဒီပွဲမှာ တော့ ခရိုအေးရှား အသင်းက ၄ ဂိုး ဂိုးမရှိနဲ့
နိုင်ပါတယ်။ ကင်မရွန်းအသင်း ကစားသမား တယောက်က ခရိုအေးရှား
ကစားသမားတယောက်ရဲ့ ကျောကို တံတောင်နဲ့ သွားထိုးခဲ့တဲ့အတွက် အနီကဒ်ပြ
အထုတ်ခံခဲ့ရပါတယ်။
မနက်ဖြန် ကြာသပတေးနေ့ကျရင်တော့ အုပ်စု C က ကိုလံဘီယာနဲ့ အိုင်ဗရီကို့စ်,
ဂျပန်နဲ့ ဂရိ၊ တခါ အုပ်စု D က ဥရုဂွေးနဲ့ အင်္ဂလန်အသင်းတို့
ကန်ကြမှာဖြစ်ပါတယ်။
ဗွီအိုအေ (မြန်မာပိုင်း)
No comments:
Post a Comment