အစ္စလာမ် ဘာသာရေးခေါင်းဆောင်များ ပါဝင်သော စုံစမ်းရေး ကော်မရှင်ဖွဲ့မည်

ရန်ကုန်(မဇ္ဈိမ)။     ။ ရန်ကုန်တိုင်းဒေသကြီး ၁၀ ရပ်ကွက်၊ ၄၈ လမ်း၊ မ/၁၈၃ ရှိ၊ ဆော်ဒီကီးရား၊ ရေကျော်ဗလီတွင်  မီးလောင်မှု အတွက် စုံစမ်းစစ်ဆေးရန် အစ္စလာမ် ဘာသာရေးအဖွဲ့အစည်းများမှ ဘာသာရေး ခေါင်းဆောင်များ ပါဝင်သော စုံစမ်းရေး ကော်မရှင် တရပ်ဖွဲ့စည်းသွားမည် ဟု မြန်မာမူဆလင် အမျိူးသားရေးရာ အဖွဲ့ချူပ်မှအထွေထွေ အတွင်းရေးမှူး ဦးကျော်ခင်က မဇ္ဈိမသို့ ပြောသည်။

ရန်ကုန်တိုင်း၊ ဗိုလ်တထောင်မြို့နယ်ရှိ ရေကျော်ဗလီတွင် ၂၀၁၃ ခုနှစ်၊ ဧပြီလ ၂ ရက်နေ့ နံနက် ၃ နာရီခန့်က မီးလောင်မှုကြောင့် သေဆုံးခဲ့ရသူ များအတွက် ဆုတောင်းနေကြသော အစ္စလာမ် ဘာသာဝင်များ (Photo: AFP) မီးအားမြှင့်စက်မှ အပူလွန်ကဲကာ မီးလောင်မှုဖြစ်ပွားပြီး လူ ၁၃ ဦး သေဆုံးခဲ့ရကြောင်း နိုင်ငံပိုင်မီဒီယာက သတင်းထုတ်ပြန်သည်။

၎င်းက "စုံစမ်းဖော်ထုတ်ဖို့အတွက် ဦးတို့ဘက်ကလည်း တင်ပြထားပြီးပြီ။ သူတို့ကပြောတော့ ပြောတာပဲ
ကော်မတီဖွဲ့ပြီးတော့ အမြန်ဆုံး စစ်ဆေးပေးမယ်လို့တော့ ပြောတယ်" ဟု ဆိုသည်။

စုံစမ်းစစ်ဆေးရန် အစ္စလာမ် ဘာသာရေးအဖွဲ့စည်းများမှ ခေါင်းဆောင်များအပါအ၀င် မီးသတ်ဦးစီးဌာန၊ ရန်ကုန်မြို့တော် လျှပ်စစ်ဓါတ်အားပေးရေးအဖွဲ့နှင့် မြန်မာနိုင်ငံ ရဲတပ်ဖွဲ့မှ တာဝန်ရှိသူများဖြင့် စုံစမ်းစစ်ဆေးရေး အဖွဲ့ဖွဲ့စည်းသွားမည်ဟု သိရသည်။

လူ၁၃ဦး သေဆုံးခဲ့ရသည့် ယနေ့နံနက် ၂ နာရီခွဲ ဝန်းကျင်တွင် ဖြစ်ပွားခဲ့သည့် ရေကျော်ဗလီ မီးလောင်မှုကို စုံစမ်းရေးကော်မရှင် ဖွဲ့စည်းရာတွင် မီးသတ်ဦးစီးဌာနမှ ဒုတိယညွှန်ကြားရေးမှူး ဦးကြည်ဝင်း၊ ရန်ကုန်မြို့တော် လျှပ်စစ်ဓါတ်အားပေးရေးအဖွဲ့မှ တွဲဖက် အတွင်းရေးမှူး ဦးတိုးအောင်၊ အရှေ့ပိုင်းခရိုင်ရဲ တပ်ဖွဲ့မှ ရဲမှူးကြီး ဦးသက်လွင်တို့ ပါဝင်ကြောင်း မီးသတ်ဦးစီးဌာနမှ တာဝန်ရှိသူတဦး၏ ပြောဆိုချက်အရသိရသည်။

မီးလောင်ကျွမ်းသည့် ဗလီမှာ စာသင်ကျောင်းနှင့် တွဲဖက်ထားပြီး စာသင်ကျောင်းတွင် နွေရာသီ သင်တန်း တက်ရောက်နေသော ကလေးငယ်ဦးရေ ၇၀ ကျော်ရှိကြောင်း အသက်မသေပဲ ကျန်ခဲ့သည့် ကလေးငယ်များ ကို ညောင်တန်းဗလီသို့ ပို့ဆောင်ထားကြောင်း မီးသတ်ဦးစီးဌာနမှ အဆိုပါ တာဝန်ရှိသူကပင် ဖြေကြားခဲ့သည်။

မီးလောင်ရာတွင် ဗိုလ်တထောင် ဒုတိယမြို့နယ်မှူးနှင့် အဖွဲ့မှသွားရောက် စစ်ဆေးခဲ့ရာ ဗလီအပေါ်ထပ်သို့ တက်သည့် လှေကားခွင်အောက်ရှိ မီးအားမြှင့်စက်အပူလွန်ကဲရာမှ လောင်ကျွမ်းခဲ့ပြီး လှေကားတလျှောက် မီးကူးစက်ပြန့်ပွားနေသည့်အတွက် အပေါ်ထပ် ပိတ်မိကာ စာသင်ကျောင်းသား ၁၃ ဦး မီးခိုးမွှန် မီးလောင်ဒဏ်ရာ
နှင့် သေဆုံးခဲ့သည်။ မီးလောင်မှုကြောင့် ဗလီထပ်ခိုး၊ မီးအားမြှင့်စက်နှင့် ဝါယာကြိုး အပါအ၀င် စုစုပေါင်း ကျပ်ငွေ ၈ သိန်းခွဲဖိုး ပျက်စီးဆုံးရှုံးခဲ့ကြောင်း မီးသတ်ဦးစီးဌာနက ယနေ့နေ့လည်တွင် သတင်းထုတ်ပြန်ထားသည်။

မဇ္ဈိမ မှ ရန်ကုန်ပြည်သူ့ဆေးရုံကြီးသို့ ဖုန်းဆက်မေးမြန်းရာ “မေးမယ်ဆိုရင်စာနဲ့ ရေးပြီးမေးပါ။ ဆရာကြီးက အလုပ်မအားလို့ မဖြေပေးနိုင်ဘူး။” ဟု ရန်ကုန်ပြည်သူ့ဆေးရုံကြီး ရုံးခန်းမှတာဝန်ရှိသူတဦးက ပြောပါတယ်။

Copy from http://www.mizzimaburmese.com